Металните предмети како што се кујнските ножеви, разните прибори и градинарски алат се подложни на корозија, особено кога се изложени на неповолни временски услови.

Корозијата е хемиски процес кој доведува до оштетување на материјалите, најчесто металите, под влијание на околината. Овој процес често предизвикува постепено влошување на материјалот, намалувајќи ја неговата издржливост и функционалност.

Најчесто се јавува на метални површини, но може да се појави и на други материјали, како и на машински делови.

Како да се спречи оваа непријатност? Нема потреба да се грижите, постојат начини, само е потребно малку труд и трпение. На крајот, повторно ќе уживате во стариот сјај на предметите што биле погодени од ‘рѓа.

Иако ‘рѓата не е токсична и не претставува биолошка опасност, продолженото ‘рѓосување може да ги направи предметите кршливи, што може да доведе до нивно кршење. Се препорачува ‘рѓата да се отстрани веднаш штом ќе се појави, во спротивно ќе се прошири и проблемот ќе стане посериозен.

Добрата вест е дека не треба да трошите пари на скапи хемикалии за отстранување на ‘рѓата – можете да го направите тоа природно. Комбинацијата од лимон и сол ќе ви помогне да ја отстраните ‘рѓата и да го вратите стариот изглед на предметот. Можете исто така да користите дестилиран оцет.