Демократскиот чин во Премиер лигата за останување или укинување на ВАР технологијата заврши според очекувањата.

Од 20 клубови во една од најдобрите фудбалски лиги на светот, 19 гласаа дека ВАР технологијата останува, а единствениот беше против Вулверхемптон.

– Како дел од фундаменталните дискусии на нашето годишно собрание, беше договорено дека „ПГМОЛ, Премиер лигата и клубовите имаат важна улога во подобрувањето на ВАР системот, неговата примена и угледот. Како дел од тековната работа за подобрување на ВАР, имаме и шест клучни области – соопштија од Премиер лигата.

Тие шест точки на подобрување се: одржување на висок праг за ВАР интервенција, намалување на доцнењето на играта, а тоа ќе се случи со воведување полуавтоматски офсајд (САОТ), подобро информирање на навивачите за донесување одлука, најава на судијата по промена на одлуката, спроведување на обука за ВАР, транспарентност и комуникација со ВАР, кампањи на навивачите и едукација за ВАР системот.

Полуавтоматската офсајд технологија ќе биде воведена наесен оваа година, не е јасно дали ќе постои од првото коло во Премиер лигата или ќе се применува во текот на првиот дел од сезоната 2024/25.

19-1 ?#BBCFootball pic.twitter.com/JXd4ODnFRk

— BBC Sport (@BBCSport) June 6, 2024