Аргентинскиот напаѓач Мауро Икарди летово се пресели од ПСЖ во Галатасарај на едногодишна позајмица, а медиумите открија колку тој и неговата сопруга трошеле месечно во Париз.

Весникот „Мундо депортиво“ открива дека Маури и Ванда трошеле по половина милион евра месечно во Париз.

Тие парите не ги трошеле исклучиво на себе, туку и на своите деца, и дел од оваа сума била исплаќана во елитните приватните училишта во кои учеле нивните деца како и за одржување на нивните домови во Париз и во Милано.

„Мундо Депортиво“ неодамна објави дека Ванда Нара ги шокирала челниците на Галатасарај на кои им доставила список со барања кои требаше да ѝ бидат исполнети за нејзиниот сопруг да стави потпис на договорот.

Таа барала личен готвач за семејството, приватни училишта за нејзините пет деца, хотелски апартман, собарка, осигурување и возач достапен 24 часа на ден.