Репрезентациите на Аргентина и Уругвај во петок ќе одиграат квалификациски натпревар за пласман на Светското првенство 2026.

Големите ривали ќе се сретнат во Буенос Аирес, а натпреварот ќе започне во 01.00 часот по полноќ по македонско време. Аргентина, која загуби само еднаш во последните 50 натпревари, ќе ја предводи Лионел Меси.

На другата страна ќе биде Федерико Валверде, играчот на Реал Мадрид, кој на новинарите им призна дека не може да го запре Меси.

– Не знам како да го направам тоа. Никогаш не ми успеа. Играв неколку пати на „Ел Класико“ против него и Касемиро секогаш имаше задача да го чува Меси. Тој беше добар, знаеше како да го спречи, но ниту тој не можеше целосно да го чува. Мора да го почитувате Меси, бидејќи тој е еден од најдобрите играчи во светот – изјави Валверде.

Аргентина е на врвот на табелата во јужноамериканските квалификации со максимални 12 бодови. Уругвај е на второто место со седум бодови, исто толку колку и Бразил и Венецуела.