Новиот светски шампион во тешка категорија Александар Усик ја оствари целта откако го симна од тронот Ентони Џошуа во Лондон.

Украинскиот боксер според многумина беше „аутсајдер“ во оваа борба против Британецот, но на крајот ги изненади сите и победи со едногласна одлука.

Во својот прв говор по мечот, тој призна дека не се обидел да го нокаутира Џошуа и прерано е да се размислува за евентуален реванш.

– Оваа победа ми значи многу. Борбата испадна точно како што очекував. Понекогаш, Ентони ме притискаше, но тоа не беше ништо посебно. Немав намера да го нокаутирам. Од моја гледна точка, исто така ми беше кажано да не се обидувам. Тренерот ми кажа „не“, а јас го слушав и ја завршив својата работа.

Се подготвувам многу напорно од јануари. Ми требаше половина година. Ми недостасуваат моите деца и сакам да си одам дома. Сега не размислувам за реванш. Не сте ја виделе ниту најдобрата верзија на Усик. Можам да направам многу повеќе – рече новиот светски шампион по борбата со Џошуа.