Музичкиот магнат Шон Диди Комбс е обвинет во нова тужба за силување на жена во неговиот стан на Менхетен пред повеќе од две децении, според извештајот, пишува „Њујорк пост“.

Жената, идентификувана како Џејн Доу, тврдела дека Диди ја одвел во својата спална соба, каде што ја заклучил вратата, ја притиснал за вратот на креветот и ѝ рекол: „Ќе го исцицам животот од тебе“, по една ноќ забава во јули 2001 година, според судските документи што ги добил ТМЗ.

Таа во тужбата навела дека го молела да престане, но дека тој не реагирал на тоа. Откакао ја силувал, „тој лежел мирно, гол на креветот“, додека таа престрашена се обидувала да избега. Пред вратата ја дочекал телохранител и ја упатил кон излезот, пишува „Њујорк пост“.

Во тужбата се наведува дека таа го запознала во јануари 2001 година, како и дека се среќавале во неговото музичко студио, ноќни клубови и ресторан. Откако ја силувал, неговите работници ги одвезле неа и нејзината пријателка дома, според тужбата поднесена од девојката.

И како што е напишано во судските документи, жената што го тужела Диди отишла на психотерапија по силувањето.

Адвокатите на раперот сè уште не дале коментар за тужбата.

На судењето против Диди беа откриени крајно вознемирувачки детали, а беше емитувана и хотелска снимка од 2016 година во Лос Анџелес, на која се гледа како раперот ја тепа Касандра „Каси“ Вентура, со која во тоа време бил во врска.

Поранешната на Диди чека трето дете со сопругот: Радосната вест ја објавија неколку месеци по шокантните тужби против реперот

Шокантен пресврт во случајот на Диди: Неговиот адвокат повеќе не сака да го брани!

ФОТО | Џастин Бибер проговори за своите темни мисли: „Го обвинував Бога, се губам себеси“