Јужнокорејската автомобилска компанија „Хјундаи“ го суспендира партнерството со актуелниот европски шампион Челси откако му беше замрзнат имотот на сопственикот на „сините“, Роман Абрамович.

„Хјундаи“ е вториот спонзор што го напушта Челси откако претходно истото го стори и телекомуникациската компанија „Три“.

„Откако станавме партнери на Челси, станавме горди на навивачи на фудбалот, на навивачите и на фудбалерите на Челси. Но, поради актуелната ситуација во која се наоѓа клубот, одлучивме да го суспендираме нашето партнерство со Челси“, стои во соопштението на Хјундаи.

Компаниите Триваго и Најки засега остануваат спонзори на Челси, но бараат што побрзо да се заврши продажбата на „сините“.

Со заминувањето на Хјундаи, Челси ќе загуби 10 милиони фунти годишно, додека од Три во касата на „сините“ секоја година се слеваа 40 милиони фунти.