Фудбалерите, стручниот штаб и членовите на управата на двата тетовски прволигаши, Шкендија и Ренова викендов беа тестирани на ковид-19, а вчерашните резултати покажаа дека во двете екипи има шест позитивни.

Двајца се заболени во Шкендија, а четворица во Ренова, додека од Синдикатот на фудбалери на Македонија порачаа дека не мора да значи дека сите позитивни се фудбалери.

Денеска бројката на заболени во Ренова се зголеми за уште едно лице и сега таа изнесува вкупно пет позитивни на коронавирус.

„Гипсарите“ уште вчера откако беше објавено дека имаат позитивни на коронавирус со соопштение објавија дека здравјето во овие моменти е најважно и дека не ги интересира фудбалот и завршувањето на сезоната.