Римац Невера достигна максимална брзина од 412 км/ч, што го прави најбрзиот електричен сериски автомобил во светот.

Соборувањето на рекордот продолжува откако независно потврдениот рекорд на Nevera за забрзување од 8,582 секунди беше поставен во 2021 година, што го прави најбрзо сериски автомобил во светот, според Бугати Римац, пренесе Н1.

-Максималната брзина од 412 км/ч беше целта што ја постави тимот на Римац кога автомобилот првпат беше претставен на Саемот за автомобили во Женева во 2018 година, а сега – по 1,6 милиони часа развој – таа брзина е потврдена -, се вели во соопштението.

Бугати Римац Невера се доставува до клиентите со ограничена максимална брзина од 350 км/ч, но може да достигне максимална брзина од 412 км/ч на специјални настани за клиентите со поддршка од тимот на Римац и под контролирани услови. Производството на Невера моментално е во тек во седиштето на Римац во Јанкомир, а првите автомобили се веќе кај купувачите ширум светот.