Циклон се формираше во Тихиот Океан покрај западниот брег на Мексико во неделата, кој се очекува да предизвика обилни дождови, но без да стигне до копното, објави американскиот Центар за предупредување од урагани (НХЦ), пренесува АП.

На полноќ, циклонот се наоѓал 470 километри југозападно од Кабо Кориентес, во државата Халиско, со максимална брзина на ветровите од 120 километри на час. Се предвидува дека неговиот пат ќе продолжи по должината на крајбрежјето.

Се очекува ураганот Присила, кој моментално е од категорија 1 на петстепената скала Сафир-Симпсон, „да се зајакне во наредните денови и се предвидува дека ќе стане ураган од втора категорија во текот на неделата“, објасни НХЦ во билтен.

Обилни врнежи од дожд веќе се случија на бреговите на државите Мичоакан и Гереро, а помалку обилни врнежи од дожд на бреговите на државите Колима и Халиско.

НХЦ предупреди на „ненадејни поплави, особено во области со поголема надморска височина“.

Мексико, и на западниот и на источниот брег, се соочува со сезона на циклони и урагани секоја година, обично помеѓу мај и ноември.