Ветар со брзина од над 70 км./ч. денеска повремено дуваше во Штип и во Струмица, а попладнево во скопската котролина со брзина од 60 км./ч. Умерен до засилен ветар имаше претпладне од јужен, а попладнево од северозападен правец.

Како што информира Управата за хидрометеоролошки работи (УХМР), до крајот на денот и во текот на ноќта ќе дува умерен до засилен северен ветер, кој долж Повардарието повремено ќе биде и силен со брзина и над 70 км./ч.

Времето утре ќе биде сончево и студено, претпладне во западните делови со мала до умерена облачност. Ќе дува умерен, долж Повардарието, засилен ветер од северозападен правец.

Минималната температура ќе биде во интервал од -9 до -1 степен, а максималната ќе достигне од -2 до 6 степени.

Во Скопје времето утре ќе биде претежно сончево и студено со умерен до засилен северен ветер. Минималната температура ќе се спушти до -4 степени, а максималната ќе достигне до 2 степена.