Владите на 35 европски земји побарале од претседателот на Европската фудбалска федерација (УЕФА) Александер Чеферин, да ги исфрли руските и белоруските функционери од телата на „европската куќа на фудбалот“, пишува „Дејли Мејл“.

Трн во окото на европските политичари е Александер Ѓуков, руски бизнисмен кој е претседател на управниот одбор на Газпром, претседател на Зенит и претседател на руската фудбалска федерација.

Покрај Ѓуков, функции во телата на УЕФА имаат и поранешни офицери на советската тајна служба КГБ, Олег Дерипаска и Сергеј Пријадкин.

Покрај владата на Обединетото Кралство, најгласни во барањето да се исфрлат Русите и Белорусите од УЕФА се и владите на Франција и Германија. Русија и Белорусија во органите на УЕФА имаат 22 претставници.
УЕФА веќе ги суспендира руските и белоруските екипи од настап во натпреварувањата под нејзина капа.