Европската фудбалска унија (УЕФА) го одржа својот 49. редовен конгрес во Белград, Србија, под водство на претседателот Александар Чеферин, а на седницата беше истакнато дека УЕФА е во добра финансиска состојба по рекордните приходи во сезоната 2023/24.

Исто така, благодарение на успешното Европско првенство во Германија, за кое беа продадени 2,7 милиони билети, УЕФА лани имаше рекордни приходи од 6,8 милијарди евра, од кои најголемиот дел, 73,1 отсто, се од медиумски права.

И резервите во моментов се над посакуваната граница од 500 милиони евра, што значи стабилно работење до 2028 година, при што износите благо ќе се намалат.

По ЕП 2028 се очекува резервите повторно да се искачат над планираните 500 милиони евра.