Министерството за надворешни работи (МНР) реагираше до европската фудбалска куќа поради терминот „Северно Македонец“ кој стоеше во графата за националност во делот на Фудбалската федерацијата на Македонија.

Претседателот на ФФМ, Муамед Сејдини и генералниот секретар Филип Поповски беа заведени како „Северно Македонци“.

Но, веднаш по реакцијата од МНР, УЕФА направи корекција во графата за националност и сега стои Македонец.

МНР побара коректна употреба на терминот согласно Уставот и личната карта на земјата во Обединетите Нации.

– МНР постојано води сметка за точната употреба на името на државата, државјанството, и етничката припадност на граѓаните на Македонија. Како што сме реагирале соодветно до сите меѓународни медиуми, етнитети итн., кои погрешно употребиле кој било од наведените термини, така реагиравме и до УЕФА, барајќи коректна употреба на овие термини, согласно Уставот и личната карта на земјата во Обединетите Нации – велат од Министерството за надворешни работи.