Во основното училиште „Димитар Поп Георгиев – Беровски” во населбата Хром, во делот на општина Ѓорче Петров, ќе се гради нова училишна спортска сала, со што треба да се надминат проблемите со одржување на часовите по физичко.

 Спортската сала ќе се протега на 550 м2 и ќе ги има сите услови за одржување настава по физичко образование, како и соблекувални, тоалети и просторија за реквизити. Просторот ќе биде уреден соодветно, се со цел покрај училишната настава, да може да се тренираат спортови кои што се соодветни на овој тип спортска сала – најави градоначалникот Александар Стојкоски.

Тој информира дека со години наназад наставниците од ова основно училиште се соочувале со многу потешкотии при реализација на наставата по физичко образование, а дечињата ги немале потребните услови за правилен развој.