Познатата српска старлета Александра Николиќ, која на јавноста најпозната и е од емисијата „Задруга“, била поранешна девојка на убиениот Јетон Кривањева, пренесува српски „Курир“.

Николиќ пред да и се приклучи на „Задруга“ била во врска со Кривањева, а тогаш таа тврдела дека од него претрпела сериозно насилство. Таа некое време живеела со него во Скопје.

– Ја напуштив работата поради него, бидејќи ми забрануваше да играм. Добро се забавував со него година и пол, но го оставив затоа што ме тепаше. Тој го направи тоа затоа што мислеше дека се гледам со некој друг. Ме тепаше толку многу што имав сериозна повреда на усната“ – изјавила таа во својата исповед.

Таа додава дека Кривањева долго потоа и се заканувал дека ќе објави компромитирачки материјали за неа.