Репрезентацијата на Македонија натпреварите во разигрувањето за од 25-та до 32. позиција ги започна со убедлива победа против Алжир од 15 разлика (25:40).

Од самиот старт нашиот национален тим играше допадливо и ја најави победата. Предводени од Талески и Манасков, но и голманот Митревски кој одбрани пет удари во првите 10 минути најавивме дека ќе одиграме многу подобар од претходните три во првата фаза.

Алжирците имаа расположливи бекови, но беа конкурентни само во почетните минути до 2:2, потоа следуваше нашата прва серија со која поведовме со 2:6. И во наредните минути Македонија беше подобриот противник на теренот. Посебно ефикасен во првиот дел беше Жарко Пешевски кој првите 30 минути ги заврши со пет гола од пет обиди.

За издвојување во овој натпревар е и првиот гол на Давид Савревски на големите натпреварување. Предноста на Македонија на полувремето беше 11:19, а во продолжение продолжи да расте. Алжирците немаа решение за нашата добра игра и беше прашање само со колкава разлика ќе славиме, на крајот тоа беше со 15 голови разлика.