Стандардите и критериумите на убавина се различни во сите краишта на светот, а во номадското племе Водабе, населено во сахарските предели на државата Нигер, жените и девојките ги оценуваат мажите врз основа на нивниот изглед.

Кај племето Водабе акцентот е на убавината.

Ако некогаш сте помислиле дека жените поминуваат премногу време во шминкање и дотерување, овој податок ќе ве предомисли. Мажите од племето Водабе се облекуваат, се подготвуваат и се шминкаат повеќе од три часа.

Костимите за специјалното натпреварување во убавина, кое се одржува секоја година, се подготвуваат по 365 дена, а мора да бидат шарени, чисти, убави, со мноштво аксесоари, а од боите најмногу доминираат жолтата и различните нијанси на сина.

Усните и носот кај мажите мора да бидат посебно нагласени, а откако сите процеси ќе завршат, мажите од племето Водабе се спремни за изборот на убавина. Тоа е дел од нивната борбена традиција. Прво парада, танц, пеење во пустината, а сето тоа со цел да ја импресионираат женската популација, која во овој случај е и жири и судија.