Полицијата во Сараево вчера уапсила две лица на возраст од 31 и 47 години, осомничени за подготовка на бомбашки напад, информира Министерството за внатрешни работи на БиХ, пренесува Телеграм.

-Наведените лица се сомничат дека во текот на месец декември, во претходно постигнат договор, свесно и со намера набавиле и размениле експлозивни материјали, чија набавка е нелегална за граѓаните, се со намера да состават експлозивна направа на далечинско активирање, што кога би се активирала би претставила огромна опасност нанесувајќи голем број на човечки жртви и материјачна штета од поголеми размери- велат од Министерството.

Според соопштението, во текот на претресите полицијата пронашла експлозив, далечински уред за активирање на експлозив, панцири, цевка од пиштол и други предмети.

Лицата биле уапсени, а по целосно документирање на случајот ќе бидат предадени на јавното обвинителство во Сараево.