Уапсен терористот кој уби двајца Швеѓани во Брисел, тој бил човекот застрелан од полицијата
Сторителот на синоќешниот напад во Брисел, во кој беа убиени двајца шведски државјани е приведен, јавија локалните медиуми.
Се наведува дека бил застрелан од полицијата во градите, но е жив.
Според извештаите на медиумите, Абдесалем Л., роден на 1 септември 1978 година, мигрант од Тунис кој илегално престојувал во Белгија, бил пронајден во кафуле недалеку од домот во кој живеел во квартот Скарбек во главниот град.
Според локалните медиуми, тој престојува во Белгија од 2019 година и поднел барање за бегалска заштита.
– Полицијата отвори оган за време на апсењето, изјави портпаролот на белгиското обвинителство, Ерик Ван Дујс, без да ја потврди информацијата на телевизијата RTBF дека осомничениот е ранет.
Локалниот градоначалник, Филип Клоз, изјави за францускиот ТВ канал BFMTV дека осомничениот се чини дека е „неутрализиран“. Ова се уште не е потврдено од властите.
Претходно, дел од бриселски медиуми јавија дека осомниочениот е застрелан во градите, но дека е жив и приведен.
Белгиската полиција застрела маж во Брисел, но не се знае дали е терористот кој уби двајца Швеѓани