Даниел Банистер, човекот кој ја демнеше пејачката Шерил Кол, со која Лијам Пејн доби син, е уапсен, пренесува „Би-би-си“. Тој доби 16-неделна затворска казна поради провалување во нејзиниот дом.

Банистер неколку пати провалувал во нејзиниот имот, поради што и претходно бил апсен. Шерил рече дека се плаши за сопствената безбедност и за безбедноста на нејзиниот син Беар откако Банистер се појавил на нејзината врата во декември минатата година.

Банистер, исто така, ја прекршил претходната наредба за забрана за приближување на пејачката. Во текот на 2024 година тој двапати се појавил на нејзиниот имот, за што покрај забрана доби и четиримесечна условна казна. Обвинетиот, кој наводно извршил убиство во 2012 година, признал дека ѕвонел на вратата на Шерил во декември.

Зборувајќи за инцидентот во декември, пејачката рече: “Веднаш знаев дека тоа е Даниел, бидејќи претходно имав инциденти кога тој дојде на мојот имот. Веднаш ме фати паника кога го видов Даниел. Бев загрижен дека сака да упадне во куќата. Сакам да го заштитам моето дете од каква било опасност”.

Да потсетиме дека пејачката и 10 години помладиот член на „Уан Дајрекшн„ беа заедно две години, од 2016 до 2018. Тие се запознаа кога тој имаше само 14 години на аудицијата за „Фактор Икс“, каде што таа беше во жирито. Во 2017 година го добија синот Беар, кој продолжија да го одгледуваат заедно и по раскинувањето.