Европското првенство за играчи до 21 година во 2023 година (јуни/јули) ќе се одржи во две земји, Романија и Грузија.

Денеска во Нион македонската млада репрезентација ги дозна противниците во квалификациите, се наоѓа во групата „Х“ заедно со селекциите на Франција, Србија, Украина, Фарски Острови и Ерменија.

Натпреварите ќе се играат во периодот од март 2021 и јуни 2022 година. Победниците од сите групи и една најдобровторопласирана (не вклучувајќи ги резултатите против шестопласираните) ќе се квалификуваат на континенталниот собир каде што ќе учествуваат 16 селекции.

Останатите осум репрезентации кои ќе бидат второпласирани ќе играат бараж (септември 2022) за останатите четири „билети“.

Група „А“: Хрватска, Австрија, Норвешка, Финска, Азербејџан, Естонија

Група „Б“: Германија, Полска, Израел, Унгарија, Летонија, Сан Марино

Група „Ц“: Шпанија, Русија, Словачка, Северна Ирска, Литванија, Малта

Група „Д“: Португалија, Грција, Исланд, Белорусија, Кипар, Лихтенштајн

Група „Е“: Холандија, Швајцарија, Бугарија, Велс, Молдавија, Гибралтар

Група „Ф“: Италија, Шведска, Република Ирска, Босна и Херцеговина, Црна Гора, Луксембург

Група „Г“: Англија, Чешка, Словенија, Албанија, Косово, Андора

Група „Х“: Франција, Србија, Украина, Македонија, Фарски Острови, Ерменија

Група „И“: Данска, Белгија, Турција, Шкотска, Казахстан