Денеска во последниот трет натпревар од претквалификацискиот турнир за пласман на Европското првенство македонската фудбалска репрезентација до 17 години загуби од Романија со 3:0.

Во текот на првото полувреме романските надежи поведоа со голот на Георге во 17 минута.

Имавме шанса да израмниме, но Дамјаноски во 28 минута не беше прецизен од белата точка.

Непосредно пред паузата противникот успеа да ја зголеми предноста со погодокот на Подолеану (45`).

Конечниот епилог го постави Попеску во судиското надополнување од вториот дел (90+6`).

Во вториот меч од оваа група Шкотска со 8:0 го декласираше Лихтенштајн.

На конечната табела Шкотска го освои првото место со седум бодови и обезбеди пласман во Лигата А. Како второпласирана заврши Романија со шест бодови, трета Македонија со четири, а ниту еден Лихтенштајн.