Денеска македонската фудбалска репрезентација до 17 години во својот прв натпревар од квалификацискиот турнир за пласман на Европското првенство ремизираше против домаќинот Шкотска со резултат 2:2.

Пред стартот на овој меч имаше минута молк за жртвите во страшниот пожар во Кочани.

После првото полувреме водеа нашите фудбалски надежи со голот на Маркоски од 40 минута. Израмнија ривалите во 52 минута преку Бојд, во 80 минута Шкотска дојде и до водство со погодокот на Хогарт.

Три минути подоцна успеавме да постигнеме уште еден гол кој беше дело на Жаку.

Во вториот меч од квалификациската група 1, Романија со 10:0 го декласираше Лихтенштајн.

Вториот меч избраниците на селекторот Димитар Капинковски ќе го играат на 22 март против Лихтенштајн.