Во рамките на шестото издание на меѓународниот музички фестивал „Скупи Камерфест“ на 28 септември, со почеток од 19.30 часот, во Музејот на македонската борба ќе се одржи концертот со наслов „Сфуматура“.

Станува збор за авторски концерт на диригентот, пијанист и композитор Лоди Лука, роден во Албанија, а кој живее и работи во Италија. На концертот ќе настапи Младинскиот гудачки оркестар при Приштинскиот универзитет – Факултет за уметност.

Уметнички директор на меѓународниот фестивал на камерна музика „Скупи Камерфест“ е Блерим Груби, фестивалот е поддржан од Министерството за култура, а влезот на концертот е слободен.