Твитер го предупредува, Трамп со нов твит: Победив на изборите
Актуелниот американски претседател Доналд Трамп денеска објави на Твитер дека е извршена изборна кражба и дека тој е победник на изборите.
– Победив на изборите, напиша Трамп пред неколку часа, а потоа истакна дека пребројувањето на гласовите во Џорџија е лажно.
Ова е втор победнички твит на Трамп во текот на денешниот ден за што доби предупредување од Твитер.
Трамп се фалеше и дека вакцината против коронавирусот доаѓа во неговиот мандат, додавајќи дека медиумите со лажни вести се обидуваат да му ги украдат изборите.
– Нема да го дозволиме тоа, напиша Трамп на Твитер.
Медиумите ја прогласија победата на Џо Бајден уште на 7 ноември, но Трамп одбива да го признае поразот.
Трамп вчера во еден свој твит првпат призна дека Бајден победил на претседателските избори во САД. Тој напиша дека Бајден е победник бидејќи изборите се наместени, но веднаш потоа објави и нов твит во кој тврдеше дека не признал ништо.