Загрозени се голем број работни места, а евектите од кризата може да траат и до три години смета првиот човек на Здружението на хотелиери и туризам во Албанија, Зак Топузи, додавајќи дека поради пандемијата со Ковид-19 албанскиот туризам до сега изгубил повеќе од 140 милиони евра.

-Доставивме неколку барања што одговараат на барањата на СЗО. Точно има 93.000 вработени во секторот туризам, но има повеќе кои се индиректно вклучени. Ако ситуацијата продолжи, ефектите може да траат до три години. Туризмот се подготвува за туристичка сезона од три месеци. До сега загубени се 140 милиони евра, изјави Топузи.

Топузи вели дека е свесен оти целокупната индустрија е затворена и дека преземените мерки биле неопходни, но смета дека неопходно е сега да се разговара и за состојбата во која се наоѓа хотелиерството и туризмот.