Турскиот претседател ги нападна воените дипломци кои дадоа просекуларна заклетва за време на церемонијата на дипломирање, ветувајќи дека оние што стојат зад тоа ќе бидат „исчистени“ од армијата.

Реџеп Таип Ердоган ги опиша инволвираните како „опортунисти“.

Тој додаде дека истрагата е во тек и вети дека „неколку одговорни дрски лица ќе бидат исчистени од армијата“. Кои и да се, не е можно да бидат дел од нашата армија“, предупреди тој.

На 30 август Ердоган беше присутен на церемонијата на дипломирање во Турската воена академија во Анкара. Ебру Ероглу ја предводеше класата од 960 матуранти во рецитирањето на официјалната воена заклетва за одбрана на Турција, пишува Асошиејтед прес.

Сепак, на снимката снимена околу еден час подоцна се гледаат околу 400 дипломци собрани на поле како ги креваат мечовите и извикуваат „Ние сме војници на Мустафа Кемал“, повикувајќи се на секуларниот основач на модерна Турција, Мустафа Кемал Ататурк.

Kara Harp Okulu dönem birincisi Teğmen Ebru Eroğlu ’nun bakışlarından, asaletinden ve ettirdiği yeminden pkklı ya da fetöcü bir hain değilseniz ancak ve ancak gurur duyar benim gibi izlerken gözyaşlarınızı tutamazsınız. Biz Atatürkçü ordudan razıyız.
Ne Mutlu Türküm Diyene pic.twitter.com/5dsi3LuzaS

— Tuğba Arslan (@taslan82) September 2, 2024

Потоа, Ероглу ја предводеше групата во Офицерската заклетва, во која тие ветија дека ќе ја бранат „секуларна, демократска Турција“. Таа заклетва од Академијата беше укината во 2022 година. Турција стана поотворено религиозна под Ердоган, отфрлајќи некои од секуларистичките традиции на првобитната кемалистичка република.

Турската војска традиционално се смета себеси за гарант на секуларизмот, што резултираше со серија државни удари.

Војската водеше три државни удари помеѓу 1960 и 1980 година, а во 1997 година ја собори конзервативната влада. Сепак, обидот за соборување на Ердоган во 2016 година беше спречен и илјадници луѓе беа отстранети од вооружените сили, судството и другите јавни институции.

Сојузникот на Ердоган, Девлет Бахчели, водач на Партијата за националистичко движење, беше меѓу првите кои повикаа на истрага за спорната заклетва. Во четвртокот Министерството за одбрана потврди дека е покрената истрага.