Турскиот центар Самет Јигитоглу (18 години) повеќе не е член на МЗТ Скопје Аеродром, откако неговиот менаџерски тим ја плати откупната клаузула предвидена во договорот и реши да го врати во Турција и тоа најверојатно во матичниот Бешикташ, од каде што и дојде во македонскиот шампион.

Високиот центар минатата сезона ја мина во вториот тим на МЗТ, а летово доби шанса да се покаже и во најдобриот состав и тоа во АБА-лигата. Јигитоглу одигра неколку добри средби во регионалното натпреварување, пред се дуелите против Црвена Звезда во Белград (12 поени и 14 скока), СЦ Дерби во Скопје (13 поени и седум скока) и ФМП во Белград (15 поени и пет скока).

Но, на последните седум меча во АБА постигна вкупно 22 поени, што на 14 одиграни средби му донесе просек од 5,7 поени и 4,5 скока.