Во вторник ќе се игра првиот натпревар од полуфиналето во фудбалската Лига на шампионите на „Алијанц Арена“ помеѓу екипите на Баерн Минхен и Реал Мадрид.

Џамал ​​Мусиала и Лерој Сане се под знак прашалник за првите 90 минути од двомечот, кажа тренерот на германскиот клуб, Томас Тухел на прес-конференцијата пред натпреварот.

– Ќе донесеме некои важни одлуки во последен момент. Некои од нив се поврзани со Џамал ​​и Лерој – изјави Тухел.

Мусиала и Сане се жалат на повреди, а ситуацијата не изгледа добро со Матијс де Лихт и Дајо Упамекано кои најверојатно ќе го пропуштат првиот натпревар, додека Серж Гнабри ќе игра по опоравувањето од повредата.

– Реал Мадрид против Баерн Минхен е еден од најголемите натпревари во модерниот фудбал. Знаеме колку ќе биде тешко да стигнеме до финалето. Мораме да бидеме во многу добра форма во двата мечеви – рече голманот на Баерн, Мануел Нојер за uefa.com