Во југозападниот дел на Мексиканскиот залив се формира тропската бура Алберто – првата бура што ја именува Националниот центар за урагани на САД, јавија американските медиуми.

Алберто, носи силни ветрови, поројни врнежи и е подготвен да предизвика поплави во крајбрежните области на Тексас и Мексико, се очекува да стигне до северниот дел на Мексико подоцна денеска по локално време.

Бурата сега се наоѓа на околу 270 километри источно од Тампико, Мексико и на околу 495 километри југо-југоисточно од Браунсвил, Тексас, со максимални постојани ветрови од 65 километри на час. Невремето се движи во правец запад-југозапад. Ветровите би можеле да достигнат брзина од 80 км/час пред бурата да погоди на копно.