Лукот го намалу­ва ризикот од раз­вој на рак на дојка, дебелото црево, желудникот, грлото и кожата. Исто така, оваа супер здрава намирница е корисна за срцето, а неговата тајна е во сулфидите со коишто изобил­ва.

Меѓу другото, треба да знаете дека начинот на приготвува­ње на лу­кот вли­јае врз неговите вредно­сти и делотвор­ност. Предно­стите на сулфидите не можат да се искористат доколку лукот е згмечен и исечкан, ако 10-15 минути потоа не е искористен.

Лукот кој е купен исечкан ги нуди истите предно­сти, но оној што ќе се испржи, ги губи корисните својства.

Сепак, неговиот впечатлив и интензивен мирис не наведува да не го консумираме онолку колку што би требало. Затоа нутрициони­стите ви ги откри­ва­ат триковите со кои би се ослободиле од лошиот здив по јадењето лук.

Посто­јат производи кои го ублажува­ат или во потполност го решава­ат проблемот со лошиот здив по јадењето лук. Значи, за да не се мачите со дено­ви со непријатниот мирис на лукот, се препорачува да консумирате јаболка, суви сливи, праски, спанаќ, босилек и магдонос. Овие намирници се в­стински лек за лошиот здив по јадењето лук.

Истражувањата покажале де­ка хра­на­та бо­га­та со фенол го отстранува лошиот мирис на сулфурните соединенија во лукот, па за најдобар ефект треба да го комбинирате лукот со еден од овие производи.

Исто та­ка, спо­ред нај­но­ви­те истра­жу­ва­ња, мле­ко­то е мо­же­би нај­е­фи­кас­но во отстранувањето на мирисот, особе­но ако се пие пред или во те­кот на јадењето лук. Водата во млекото ја плакне устата, а дополнителна помош во от­странувањето на ло­ши­от ми­рис е млечната маст.

Доколку млекото не е добра комбинација со одредена храна, алтернатива е зелениот чај, кој, исто та­ка, може да се пие пред или во текот на јадењето на овој драго­цен производ.