Ако некогаш сте заборавиле да разладите пијалак, а потоа сте морале да чекате премногу долго за да се олади, овој трик ќе ви помогне.

Сфативте дека пијалакот не сте го ставиле навреме во фрижидер, а гостите се веќе на врата. За среќа, постои едноставно решение.

Не ви требаат многу напор или алатки за брзо ладење на пијалоците.

Сѐ што ви треба е мраз, сол, вода и кофа или доволно голем сад.

За да изладите шише или конзерва за многу кратко време, истурете ладна вода во садот и додадете мраз.

Потоа додадете неколку лажици сол бидејќи солта ќе го забрза процесот на ладење. Добро измешајте и пијалакот што сакате да го изладите ставете го во кофа со вода и мраз. Ќе се олади за помалку од пет минути, пишува „Пункуфер“ (Punkufer).