Од редовите на АЕЛ Ларнака информираа дека договорот на македонскиот напаѓач, Иван Тричковски нема да биде продолжен, но му нудат да остане во клубот во друга улога.

Тричковски е вистинска легенда на АЕК каде што игра осум години и собори низа рекорди. Од АЕК емотивно ја опишуваат одлуката да не му го продолжат договорот нудејќи му друга позиција.

Кога се рекордите во прашање, Тричковски е фудбалер со најмногу настапи во историјата на клубот (295), прв стрелец во сите натпреварувања (147) и прв стрелец во европските натпревари (21).

Сега на Тричковски е одлуката дали ќе одлучи на 37 години да стави крај на кариерата и да се пензионира во АЕК или ќе почека понуда од друг клуб да продолжи да игра.