Милијардерот Џеф Безос кој е третиот најбогат човек во светот има сериозни намери да стане сопственик на НБА-тимот Бостон Селтикс.

Информациите на медиумите во САД се дека Безос бил спремен да понуди сума од шест милијарди долари. Информацијата ја објави Бил Симонс кој важи за еден од најпрестижните американски спортски аналитичари и според него Безос е и тоа како сериозен во намерата.

„Во последните денови се појави гласина за купување на Селтикси од Џеф Безос. Можам да кажам дека ова е сосема реално и тој ќе биде еден од кандидатите. Цената е огромна, но веројатно НБА ќе ја одобри. Клубот бара шест милијарди долари, истата сума што би ја побарале и за проширување на лигата во Сител и Лас Вегас, можеби и во Мексико Сити“, изјавил Симонс во неговиот поткаст.

Парите за Безос не се проблем и тој е спремен да плати, меѓутоа сигурно ќе има силни конкуренти.

Amazon’s Jeff Bezos ‘interested’ in $6bn takeover to become an ownerhttps://t.co/DkbCKpSEgU

— talkSPORT (@talkSPORT) August 20, 2024