Холивудската ѕвезда Харисон Форд неодамна беше претставен како член на актерската екипа на новиот филм „Капетан Америка: Храбар нов свет“ на „Марвел“, кој ќе се прикажува во кината во февруари 2025 година.

Форд во филмот ќе го игра Тадеус Рос, а во едно неодамнешно интервју зборуваше повеќе за новата улога, пренесува „Вараети“.

Во разговор за време на Комик-кон, Харисон Форд коментираше за процесот на технологија за снимање на движењата, која била потребна за да се трансформира во црвениот Хулк (Радеус Рос).

„Што беше потребно? Не требаше да се грижиш. Требаше да бидам идиот за пари, што сум го правел претходно“, рекол Форд.

„Не сакам ништо да омаловажувам. Само велам дека понекогаш ти мора да правиш одредени работи што мајка ти не би сакала да ги работиш, или учителка по глума ако имаш, но беше забавно и одлично се забавував и воодушевен сум од реакцијата што ја добивме на трејлерот“, додал тој.

Официјалниот синопсис на новиот филм гласи: „Сем Вилсон, кој официјално ја презеде улогата на Капетан Америка, се наоѓа среде меѓународен инцидент“.

Покрај Ентони Меки, кој се враќа како Сем Вилсон, во филмот на режисерот Јулиус Онa играат и Џанкарло Еспосито, Лив Тајлер, Роза Салазар, Тим Блејк Нелсон, Шира Хас, Карл Лумбли, Дени Рамирез и други ѕвезди.

Сценариото за филмот го напишаа Џек Кирби, Џо Сајмон и Далан Мусон.

Награди од изборот на критичарите 2024: „Опенхајмер“ избран за најдобар филм, Харисон Форд со награда за достигнување во кариерата