ФОТО | Трансродовата ќерка на Илон Маск тврди дека нема пари и живее со цимери: „Немам желба да бидам супербогата“
Вивијан јавно ги прекина сите врски со својот татко во 2022 година и оттогаш не се во добри односи.
Препорачано
Вивијан Џена Вилсон, трансродовата ќерка на Илон Маск, тврди дека е без пари, поради тоа денес таа живее со три цимери. Вивијан јавно ја прекина врската со својот татко пред неколку години и денес, се чини, таа не ужива во неговото богатство.
„Луѓето претпоставуваат дека имам многу пари. Немам стотици илјади долари на располагање“, изјави таа за „Кат“. „Мајка ми е богата, нели? Но, очигледно другата е … незамисливо богата. Немам желба да бидам супер богата“, рече Вивијан. Нето вредноста на нејзиниот татко се проценува на 413 милијарди долари.
„Можам да си дозволам храна. Имам пријатели, засолниште и одреден расположлив приход, што е убаво и имам многу повеќе среќа од повеќето луѓе на мои години во Лос Анџелес“, додаде таа.
Вивијан зборуваше за своето раскошно детство и тинејџерски години во едно интервју. Таа рече дека одела во приватно училиште „полно со лоши деца“, вклучувајќи ја и Епл Мартин, ќерката на Гвинет Палтроу и Крис Мартин. Во училиштето, откри таа, научила неколку јазици, вклучувајќи корејски, кинески, јапонски и шпански. Вилсон, исто така, посетувала колеџ во Канада и Јапонија, но на крајот се откажала.
„Мајка ми ја поддржа мојата трансформација, а татко ми Илон … Тој рече дека сум мртва за него“.
View this post on Instagram
Иако многу луѓе ја знаат само по нејзиниот познат татко, Вивијан во последно време се фали со своите достигнувања. Неодамна се појави на насловната страница на „Тин Вог“ и ангажираше агент. Сега признава дека сè уште не се навикнала на својата „новооткриена слава“.
„Се борам толку долго да се сметам за обична личност. Имаше еден момент, буквално непосредно пред да станам позната, кога никој не знаеше кој сум. Беше одлично. Сите ме третираа како обична личност. Ми недостига тоа. Но, исто така, сакам да бидам позната. Мислам дека сум малку рамнодушна кон тоа. Но, ми се допаѓа фактот што ми носи пари“, рече Вилсон.
Во 2022 година, Вивијан ги прекина сите врски со својот татко, кој има уште 13 деца покрај неа. Тогаш Вилсон поднесе барање за промена на полот и името. Таа неодамна го нарече својот татко „бедно машко дете“ и не го криеше фактот дека Маск не ја поддржува нејзината промена на полот.
Илон, во меѓувреме, изјави дека Вивијан била „убиена од вирус“ и тврдеше дека била измамена да ѝ дозволила транзиција кога имала 16 години.
