Поранешниот американски претседател Доналд Трамп тврди дека знае кој го разнел рускиот гасовод „Северен тек“ во Балтичкото Море, но и дека нема да открие. Тој со сигурност тврди дека тоа не се Русите.

Трамп, во интервју со Такер Карлсон од телевизијата „Фокс“ ги отфрли тврдењата дека Русија стои зад уништувањето на гасоводите „Северен тек“ 1 и 2, кое се случи во септември лани.

„Не сакам да ја доведувам нашата земја во неволја, затоа нема да одговорам. Но, можам да ви кажам кој не беше виновник, а тоа е Русија. Но, ја обвинија Русија. Тие рекоа „Русија го разнесе сопствениот гасовод“. Епа, за ова си го добија. Русија не го разнесе Северен тек’, изјави Трамп за експертот на Фокс њуз.

САД ја обвинија Русија, а Русите го обвинија Киев. Претходно годинава, истражувачката сторија на познатиот новинар Сејмур Херш крена прашина во јавноста. Херш тврдеше дека војници на НАТО со помош на Норвешка успеале да постават експлозиви на цевката и да ги активираат со далечински управувач во специјална акција. Имаше и тврдеше дека фирма во сопственост на Украинци стои зад саботажата, но Украина, а потоа и Русија го отфрлија ова обвинување. Украинскиот претседател Володимир Зеленски кажа дека тоа е смешно.