Трамп најави значително зголемување на санкциите до Иран

Фото: EPA / Shawn Thew

Претседателот на САД, Доналд Трамп, денеска го обвини Иран дека тајно збогатува ураниум веќе подолго време и му се закани на Техеран со поостри санкции.

„Иран веќе долго време збогатува (ураниум), што е апсолутно прекршување на ужасниот договор вреден 150 милијарди долари, што го направија Џон Кери и администрацијата на Обама. Потсетување, тој договор би требало да истече за неколку години. Санкциите наскоро ќе бидат засилени и тоа значајно“, напиша Трамп на „Твитер“.

Откако САД се повлекоа од нуклеарниот договор и воведоа нови санкции за Техеран, Иран одлучи да го зголеми збогатувањето на ураниум во однос на границата утврдена со договорот.

Иранските власти ја повикаа ЕУ да најде начини да ги ублажи американските санкции и да ја испорача ветената економска помош и порачаа дека тоа е последна шанса за спасување на договорот од 2015 година, која истекува за 60 дена.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот