ВИДЕО: Трамп е официјално уапсен пред судското рочиште, не му ставаат лисици и нема да го сликаат
Поранешниот американски претседател, Доналд Трамп, денеска стана првиот шеф на државата кој бил уапсен, откако формално му се предаде на судот, каде треба да биде изведен пред судија поради наводно давање мито на порноактерка.
Трамп пристигна со лимузина и силно обезбедување пред судот, каде им отпоздрави на стотиците поддржувачи собрани во близина. Во Њујорк има засилени мерки за обезбедување и дури 35.000 распоредени полицајци поради стравувањата на властите од нереди.
BREAKING: Former President Trump has arrived at the courthouse to surrender and be arrested on criminal charges. https://t.co/Le705IMhsX pic.twitter.com/9asEOA69WI
— NBC News (@NBCNews) April 4, 2023
На Трамп, како што веќе јавија медиумите, ќе му биде земен отпечаток од прст, но нема да му бидат ставени лисици и нема да мора да се фотографира како сите останати американски граѓани кои се уапсени. Ова е поради тоа што властите не сакаат дополнително да ги иритираат поддржувачите на Трамп, кој е фаворит во трката за републикански претседателски кандидат на изборите догодина.
Дел од медиумите пишуваат дека ова испраќа многу лоша порака, бидејќи низ третманот со лисици и фотографирање секојдневно поминуваат уапсени луѓе кои се далеку помалку опасни од Трамп.