Претседателот на САД, Доналд Трамп, во петокот изјави дека е блиску до договор за завршување на војната во Газа и за враќање на заложниците, објави Ројтерс.

– Изгледа дека имаме договор за Газа. Мислам дека е договор што ќе ги врати заложниците, тоа ќе биде договор што ќе стави крај на војната – им рече Трамп на репортерите пред да замине од Белата куќа за да присуствува на голф-турнир во Њујорк.

Тој не даде дополнителни детали.

Владата на Словенија го прогласи Нетанјаху за персона нон грата

Додека меѓународните лидери се собираа во ОН во Њујорк оваа недела, САД го објавија својот мировен план во 21 точка за Блискиот Исток, наменет за ставање крај на речиси двегодишната војна во Газа помеѓу Израел и Хамас.

Според специјалниот пратеник на САД, Стив Виткоф, предлог-планот во вторникот бил проследен до официјални претставници од Саудиска Арабија, Обединетите Арапски Емирати, Катар, Египет, Јордан, Турција, Индонезија и Пакистан.

Трамп, кој останува најтврд сојузник на Израел на светската сцена, рече дека во четвртокот разговарал со претставници од неколку блискоисточни земји, како и со израелскиот премиер Бенјамин Нетанјаху.

Владата на Словенија го прогласи Нетанјаху за персона нон грата