Обвинетиот Тони Трајковски, поранешен градоначалник во случајот „ТНТ“ на ОЈО, поради контакт со лице заболено од коронсвирус, е во самоизолација, изјави на денешното рочиште судијата Огнен Ставрев кој го суди предметот.

Поради оваа новонастаната ситуација, следното рочиште е закажано за 26 овој месец. Случајот се наоѓа во доказна постапка и се сослушуваат сведоци предложени од одбраната.

Во предметот „ТНТ“, кој се однесува на уривањето на станбено-деловниот комплекс „Космос” на бизнисменот Фијат Цаноски, меѓу обвинетите се поранешниот премиер Никола Груевски, поранешниот министер за транспорт и врски Миле Јанакиески, како и поранешниот градоначалник на Општина Гази Баба, Тони Трајковски.

Спроед обвинението, тие во 2011 година сториле кривично дело од политичка омраза со уривање на комплексот „Космос“ Вна Фијат Цаноски.