Кандидатот за градоначалник на Општина Аеродром од СДСМ, Александар Трајановски, најави изградба на нова општинска зграда, со што, како што вели, ќе се стави крај на две децении работење во изнајмен простор и годишен трошок од околу 120.000 евра.

-Аеродром е единствената општина без сопствен објект. Администрацијата 20 години функционира во супстандардни услови и плаќа висока кирија. Време е тоа да се промени – изјави Трајановски.

Како што најави тој, новата зграда треба да обезбеди современи услови за вработените и побрзи услуги за граѓаните, со централизирани шалтери, подобра пристапност и интегрирани дигитални сервиси.