Ракометарите на Киелце загубија во супер драматичното финале во Лигата на шампионите од Барселона, по пенал рулетот, а трагичар е Алекс Душебаев кој единствен го промаши ударот до седум метри во пенал серијата.

Шутот на поранешниот ракометар на Вардар го одбрани Гонзало Перез де Варгас, а 24 часа по болниот пораз, Душебаев се обрати до навивачите на полскиот тим прекѕ социјалните мрежи.

– Се уште ми е тешко да ги пронајдам вистинските зборови. Се уште многу боли, но овој тим го преброди ова и ќе се обиде повторно да дојде до титулата. Денеска, повеќе од кога било, се чувствувам горд на тимот. Ви благодарам за поддршката – напиша Душебаев.