Чамец со повеќе луѓе се преврте ноќеска во Дунав во близина на градот Бачка Паланка во Србија. Повеќемина завршија во водата по несреќата, објави „Нова“.

На терен се припадници на итните служби од Србија и од Хрватска.

Според неофицијални информации, на чамецот што пловел по Дунав се наоѓале 11 кинески државјани.

Наводно, најмалку еден загинал, а сè уште се трага по две-три лица.

На местото на несреќата е присутен и Специјалистичкиот тим за работа и спасување на вода при Секторот за вонредни ситуации на српското Министерство за внатрешни работи од противпожарно-спасувачката бригада од Нови Сад.

На местото се наоѓаат и екипи на Итната помош и полицијата.

Повеќе информации ќе бидат познати по официјалното соопштение на надлежните органи.

 

View this post on Instagram

 

A post shared by 192.RS (@192_rs)