Кучиња скитници смртно искасале бебе кое се родило само три часа претходно во болница во Индија. Кучињата преку прозорец влегле во операциската сала, каде штотуку роденото бебе лежело потполно само.

Новороденчето имало повреди по целото тело, а обдукцијата ќе ја покаже точната причина за смртта.

Сепак, болницата во која е родено ова бебе немала дозвола за работа. Неколку од вработените по овој случај се обвинети за убиство од небрежност.

Она што е страшно е дека вработените во болницата на родителите им кажале дека станува збор за мртвороденче. Но бидејќи родителите слушнале кучиња во операциската сала почнале да поставуваат прашања.

Болницата дури им понудила и пари, а родителите да молчат за причините за смртта на своето новороденче.