Трoјца луѓе починале синоќа во селото Теочак кај Тузла во Босна и Херцеговина, како последица од труење со јаглерод моноксид, неофицијално јавува „Дневни аваз“. Истражителите се сомневаат дека смртоносниот гас потекнал од генератор на нафта кој семејството го користело за производство на струја.

Во Теочак се одвивала голема драма, а според неофицијални информации починале тројца луѓе, сите членови на едно семејство, а меѓу нив е и едно дете, пишува порталот. Според информациите, починатите ги пронашол локалниот оџа. Од полицијата за „Аваз“ велат дека добиле дојава и испратиле екипи на терен, но дека и натаму немаат потврда за оваа информација.

Неофицијално се дознава дека трагедијата се случила синоќа, а починатите биле пронајдени денеска.