Фудбалерот Мариано Ондо, репрезентативец на Екваторијална Гвинеја, почина во средата на тренингот на својата репрезентација на 23 години.

Ондо престојуваше во својата татковина и тренираше додека ги чекаше потребните документи за да направи трансфер во Шпанија, во третолигашкиот клуб Рапид де Бузас.

Како што пренесуваат шпанските медиуми, фудбалерот не се чувствувал добро кон крајот на тренингот по што колабирал. Веднаш бил пренесен во болница, но можеле само да констатираат смрт.

Ондо инаку беше поранешен фудбалер на актуелниот македонски шампион Шкупи во натпреварувачката сезона 2017/2018.

Во клупската кариера беше дел и екипата на Кано Спорт во својата земја, а за националната селекција запиша пет настапи.