Денеска кошаркарскиот клуб Шкупи соопшти дека со меѓусебен договор, главниот тренер на клубот Тони Симиќ ја раскинува соработката со клубот.

Клубот му се заблагодарува на Симиќ за неговата работа и посветеност додека беше тренер на екипата и му посакува успех во кариерата.

Во последниот прволигашки натпревар составот на Шкупи загуби од Чаир 2030 со резултат 93:80.

Тоа е веќе трет пораз по ред за Шкупи од стартот на натпреварувачката сезона во првенството и моментално е на последното 12. место во генералниот пласман со три бодови.

Следниот лигашки предизвик Шкупи ќе го има на домашен терен на 26 октомври против КК Вардар.