Легендата на Баерн Минхен, Томас Милер, од денес е официјално нов играч на канадскиот клуб Ванкувер Вајткепс, кој настапува во МЛС лигата. Искусниот германски офанзивец, кој има 35 години, потпиша договор до крајот на 2026 година.

„Слушнав прекрасни работи за градот, но мојата главна цел е победа. Имав одлични разговори со Аксел Шустер и Јеспер Соренсен, и сега со нетрпение очекувам да заиграм пред навивачите и заедно да се бориме за пласман во плејофот“, изјави Милер за клупскиот вебсајт.

Милер целата своја кариера ја мина во Баерн Минхен, каде постигна 250 голови на 756 натпревари, освојувајќи 13 титули во Бундеслигата и две во Лигата на шампиони. Со германската репрезентација беше светски првак во 2014 година.